بسم الله والصلاة والسلام على رسول الله
والموضوع بإسم
(هنفضل كده لحد امتى !!!)
صحيح ياجماعة الغرب مستعمروش ارضنا ولكن استعمروا فكرنا واستعمروا شبابنا واستعمروا البيوت بالمواقع الاباحية على الانترنت وبالدش مافيه من بلاء من اغانى وكليبات ماجنة ومن افلام ساقطة ومسلسلات غير هادفة
استعمروا الافكار والعقائد للشباب المراهقين من مواقع تتكلم عن الفرق الضالة وعن الديانات الغريبة وعن الجواز العرفى وجواز الدم والهبة وعن اللواط والسحاق وما الله به عليم من أمراض الامة التى أصبحت كالسرطان الذى يتفشى الجسم
والمشكلة دلوقت ان حتى الملتزمين منّا بيقعوا فى اخطاء جسيمة لابد من اخذها بعين الاعتبار
نفسى مش كل حاجة تتقال نصدقها ياجماعة بجد مش ممكن كده ابدا
كل شوية إشاعة تتقال والناس تصدق وتنزل على طول بالمنتديات وتسب وتلعن من فعل هذا وتعيش فى دور لا يليق بنا كمسلمين
واعداء الاسلام ينظرون ويضحكون على من يجرون وراء الثراب !!!
من الحاجات التى شاهدتها وسمعت عنها
من فترة طلعت صورة عالموبيلات وعالنت ان فى بنت شتمت امها لانها بتسمع قرآن واخذت المصحف وداست عليها فمسخها الله حيوان !!
بعد فترة اجد هذه الصورة لتمثال لاحد الفنانات ومعروض فى المعرض بجانب تماثيل اخرى واحنا ماشاء الله شغالين عمالين نبعت ونبص ونتكلم
طيب مانسأل نفسنا كده سؤال
لما هى مُسخت حيوانا لانها اهانت كتاب الله؟
طيب بالله عليكم احنا فعلا نستحق المُسخ ده لاننا مش بنعمل بآيات الله وبأحكام كتاب الله وبسنة نبى الله !!!
حاجة تانية
يقولك مزيعه دنماركية لالا يوسيغلافية لالا ده مش عارفة جنسيتها ايه
مالها ياجماعة
ده كانت بتجمع ارقام الناس على الهواء اللى عاوزين يشوفوا الصور المسيئة للرسول عليه الصلاة والسلام علشان تبقى توريهالهم فماتت وهى على الهواء
بالله عليك يامسلم ده كلام يُعْقل هيعملوا برنامج مخصوص لكده وحتى ولو عملوا هياخدوا ارقامهم ليه ميعرضوها على الهواء مباشرة وخلاص
تيجى تدور تلاقى ان الفيديو نازل بازمنة مختلفة وان البرنامج واضح انه عادى جدا ولكن نظرا للجهل باللغة قالوا يالا خدوا يامسلمين لما نضحك عليكم شويه
وطبعا شبابنا اخدته الحماسة وبدأ يعرض هذا الفيديو فى المنتديات ويسب ويلعن ويشتم
طيب انت يا اخى ولا يا اختى ياللى زعلانين اوى
على رسول الله وعلى سبه
عملتى اااايه من سنته
بتطبيقها بتعملى بيها بتقرئى فيها !!!
حاجة تالتة
بينزلوا فى المنتديات بردو وعلى الماسنجرات ادعيه مُخترعة يقلك ايه دعاء مدرس اللغة العربيه
مش عارف ايه مجروروا ومرفوعا
والرياضيات يقول زاويه قائما وو ووو
اين الادب مع الله والمصيبه انه بيتعرض في منتديات إسلامية
ولا اللى يبعتلك احاديث غير معروف رواتها وبتبقى ضعيفة وباطله اعداء الاسلام يختروعها واحنا ماشاء الله شغالين عمالين نبعت اه عاوزين الثواب بس طبعا مش هناخده وهيبقى حُجه علينا بدل مايبقى لينا
حاجة رابعة
حد يبعتلك رساله ويقولك امانة تبعتها او لازم تبعتها لعشرة هتسمع خبر حلو
ايه الهطل ده ؟؟؟؟؟
مين قالك هو احنا عرفنا الغيب ولو كان حد هيعرف الغيب كان رسول الله اولى الناس انه يعلم الغيب
حاجة خمسة
غرفة لسب النبى صلى الله عليه وسلم ومطلوب مليون توقيع لغلق الغرفة
بالله عليك ازاى اذا كان الغرف بتبقى خاصة بناس وطبعا فى غرف فعلا لاعداء الاسلام لكن البالتوك نفسه مالهوش دعوة مش فارقه معاهم اللى يفرق معاهم عدد الايملات اللى سجلت
علشان الموقع يكون له مكانة عالية بين
مُنافسيه
خدعوك فقالوا صوت لنصرة النبى
صلى الله عليه وسلم
ياشباب الاسلام خلوا بالكم من دينكم
اللهم بلغت .. اللهم فشهد
MANAR
المضوع منقووووووووووووووووووووووووووول
22.01.11 10:01